TAG_Orientation (First Group)

जहदा सामुदायिक पुस्तकालय तथा स्रोत केन्द्रमा रिड नेपाल र IREX  को साझेदारीमा सन्चालित Tech Age Girls (TAG) परियोजनाको पहिलो तालिम सन्चालन सुरु भएको छ ।
Date: 2076-07-27 (15th November 2019
Week- 1st
session- 1st
Group Name- Lumbini TAG Girls ( 1st group)

#TAG_Orientation

पुस्तकालयले किशोरीहरुलाई सूचना प्रविधिमार्फत नेतृत्व विकास र जिवनउपयोगी शिप सिकाउदै

बर्दघाट-१२ मा रहेको जहदा सामुदायिक पुस्तकालयले किशोरीहरुलाई सूचना प्रविधिमा सक्षम बनाउन परियोजना सुरू गरेको छ । रिड नेपाल र आइरेक्सको सहयोगमा किशोरीहरुलाई सूचना प्रविधिमार्फत नेतृत्व विकास र जिवनउपयोगी शिप प्रदान गर्ने उद्देश्यले परियोजना सुरू गरिएको हो ।

पुस्तकालय नजिकका ३ वटा माध्यमिक विद्यालयबाट छनोट भएका ५० जना १४ वर्षदेखि २२ वर्षसम्मका किशोरीहरुलाई तालिम प्रदान गरिनेछ । पहिलो चार महिनामा किशोरीहरुलाई कम्प्युटर तालिमसंगै बोल्न सक्ने कलाको विकास ,भविष्य निर्माणका लागि लक्ष्य निर्माण , नेतृत्व विकास र जीवन उपयोगी सीप सम्बन्धि तालिम प्रदान गरिने रीड नेपालका क्षेत्रीय कार्यक्रम संयोजक राजु चापागाईंले जानकारी दिनुभयो ।

पहिलो चरण अन्तरगत किशोरीहरुलाई १२ देखि १७ हप्तासम्म प्रबिधिका बिषयमा २ घण्टा अभिमुखीकरण र २ घण्टा प्रयोगात्मक कक्षा मार्फत नेतृत्व तथा व्यक्तिगत विकाशसंगै जिवनउपयोगी शिप प्रदान गरिनेछ । यसैगरि दोस्रो चरणमा ५० जना मध्येबाट उत्कृष्ट २४ जनालाई छनौट गरि १२ देखि १७ हप्तासम्म फेरी तालिममा सहभागि गराई उनीहरुलाई समाजमा सामुहिक कार्यमा समेत संलग्न गराईने छ र तेश्रो चरणमा २४ जनामध्येबाट पनि फेरी दुई वा तीनजना उत्कृष्ट किशोरीहरुलाई छनौट गरि काठमाण्डौमा एक हप्ताको विशेष प्रशिक्षण प्रदान गरिने चापागाईले बताउनुभयो ।

कार्यक्रम पुस्तकालय अध्यक्ष सुरज के.सि. ज्युको अध्यक्षता, बर्दघाट नगरपालिकाका मेयर धिरज शर्मा बस्याल ज्युको प्रमुख आतिथ्यता र उप मेयर माया पौडेल ज्युको बिशिस्ट आतिथ्यता र वडा न. १३ का वडा अध्यक्ष नर बहादुर चौधरी ज्यु लगायत विभिन्न भद्र भलादमिहरुको आतिथ्यताम कार्यक्रम सम्पन्न भएको थियो । कार्यक्रममा स्वागत मन्तब्य पुस्तकालय सदस्य प्रदिप कुमार थारुले गर्नु भएको थियो भने कार्यक्रम सन्चालन पुस्तकालय सचीव गोपाल सिह आले ज्युले गर्नु भएको थियो ।

चित्रकला

जहदा सामुदायिक पुस्तकालय तथा स्रोत केन्द्रमा बालबालिकाहरु चित्र द्धारा आफ्नो प्रतिभा प्रफुटन गर्दै ।

भिडियो डकुमेन्ट्रि

मिति २०७६ कार्तिक ७ गतेका दिन FTS र रिड नेपालको सहयोगमा जहदा सामुदायिक पुस्तकालय द्वारा सन्चालित मानव बेचबिखन ओसारपसार तथा आधुनिक दासत्व विरुद्धको सचेतनात्मक कार्यक्रम अन्तर्गत सचेतना मुलक भिडियो डकुमेन्ट्रि प्रदर्सन कार्यक्रम बर्दघाट १३ मझौनि मा स्थित दुर्गा आधारभुत बिधालयमा सम्पन्न भयो ।

"ए" र "जुका"

कार्तिक ३ र ४ गते  जहदा सामुदायिक पुस्तकालय तथा स्रोत केन्द्रमा 6 महिना देखि 5 बर्ष सम्मका बालबालिका भिटामिन "ए" र "जुका" को औसधी खुलाउदै ...

छलफल कार्यक्रम

आज मिति २०७६/०६/११ गतेका दिन  जहदा सामुदायिक पुस्तकालय तथा स्रोत केन्द्रमा सन्चालित TAG परियोजना सम्बन्धि विषयमा रिड ग्लोबल, रिड नेपाल, पुस्तकालय ब्यवस्थापन  समिती, वडा अध्यक्ष ज्युहरु, ट्याग उपसमिति , ट्याग सहभागी छनौट समिती र मेन्टर सहितको छलफल कार्यक्रम सम्पन्न भएको छ ।

छलफलमा TAG परियोजनामा बिधार्थीहरुको छोड्न सक्ने सम्बभावनालाई कसरी रोक्न सकिन्छ भन्ने बिषयमा छलफल गरिएको थियो ।