सफलताको कथा (निमा)

नमस्ते मेरो नाम निमा कुमारी थारु हो । मेरो घर बर्दघाट नगरपालिका वार्ड नं.१२ मा पर्दछ, म बिस बर्षको भए । मेरो परिवारमा आमा,बाबा,दाजु भाउजु र म गरी जम्मा ५ जना रहेको छम । म रेष्टलेष्ट डेभलपमेन्टको आर्थिक सहयोगमा जहदा समुदायिक पुस्तकालय तथा स्रोत केन्द्रले सन्चालन गरेको व्यवसायिक तालिममा सहभागि भएको थिए । जसमा मैले गुडिया र बुटिक बनाउने तालिम लियको थिए । तालिम पश्चात हाल आएर मैले आफ्नै व्यवसाय सुरु गरेको छु । मैले गुडिया र बुटिकको पसल खोलेको छु । रेष्टलेष्ट डेभलपमेन्टले दिएको यो सहयोगले म आज आफ्नो खुट्टामा उभिएर केहि गर्न सक्ने भएको छु त्यसको लागि मा रेष्टलेष्ट डेभलपमेन्टलाई धेरै धेरै धन्यवाद दिन चाहान्छु ।

मैले रेष्टलेष्ट डेभलपमेन्टको बारेमा सर्बप्रथम लाईब्रेरीमा गएर लाईब्रेरीको मिसहरु बाट थाहा पायको थिए । यसले हामि जास्तो युवाहरुको लागि काम गर्ने गर्दो रहेछ । मैले यो व्यवसायीक तालिम लिए पश्चात पसल खोल्न थोरै ढिला भयो किन भने मेरो घरको आर्थिक अवश्था खासै राम्रो थिएन । मैले घर परिवार संग सल्लाह गरेर यसको फाईदाहरुको बारेमा भने पश्चात मलाई मेरो परिवारले पनि साथ दिनु भयो र मैले पसल खोल्न सफल भए ।

मलाई यो पसल खोल्न २ लाख जति लगानि लागेको छ । पसल खोल्न मैले कतै बाट पनि ऋण लिनु परेन । मेरो दाई कतारमा बैदेशिक रोजगारिको लागि जानु भएको छ उहाले नै आर्थिक सहयोग गर्नु भएको हो । र हालै म्यादि प्रहरीमा म गयको थिए त्यसबाट कमाएको मेरो पैसा पनि मैले यो पसलको लागि लागानि गरेको छु । मैले यो पसल खोलेको भर्खर १ महिना भयो । १ महिना मा राम्रै कमाई भएको छ । खर्च कटाएर कम्तिमा १० हजार जति कमाई भएको छ ।

मैले पसल खोले लगतै समाज साथि भाईहरुको म प्रती हेर्ने दृश्टिकोण नै फरक भएको छ । सबैले सम्मान दिएर बोल्नु हुन्छ । सबैले राम्रो गरिस निमा भनेर स्याबास दिनु हुन्छ, यति सानो उमेरमा आफ्नो व्यवसाय गरिछेउ भनेर मान बढाई दिनु हुन्छ । खुसि लाग्छ यो सुनेर र अझै प्रगति गर्न मन लाग्छ यो सबै रेष्टलेष्ट डेभलपमेन्टको उपज हो त्यसैले म रेष्टलेष्ट डेभलपमेन्टलाई धेरै धेरै धन्यवाद दिन चाहान्छु ।

मैले १२ कक्षा सम्म अध्ययन गरेको छु । म पढाई सकेर खालि बसेको थिए, दिन काट्न पनि गारो भई रहेको थियो । मलाई बुटिक र गुडिया सिक्न पहिला देखि नै मन थियो तर पारिवारिक स्थितिको कारण सकेको थिएन त्यसैमा मैले जहदा समुदायिक पुस्तकालयमा व्यसायिक तालिमको बारेमा सुने र लाईब्रेरिमा गएर फारम भरे र तालिमको लागि म पनि छनोट भए म बुटिक र गुडिया तालिम लिगे ।

पहिला दुई/चार पैसाको लागि पनि मंमि बाबा संग माग्नु परथ्यो । तर अहिले आफ्नो सबै आवश्यक्ताहरु म आफै पुरा गर्न सक्ने भइको छु । साथै  घरपरिवारलाई पनि आर्थीक सहयोग गर्न सक्ने भएको छु । जसकारण म एक दम खुसि छु ।

मैले यो पसललाई अझ ठुलो गराउने सोचमा छु । अहिले आफै गुडिया र बुटिक गरेर बेच्ने गरेको छु । यस्का साथ-साथै सिक्न ईच्छुकहरुलाई तालिम दिने पनि छु। साथै सिलाई कटाई पनि सिकेर यसैमा गाबेर व्यवसाय गर्ने सोचमा छु । समयले साथ दिए चाडै यो पनि गर्ने छु । म आज जहा छु जे छु रेष्टलेष्ट डेभलपमेन्टकै कारण छु त्यसैले म आफुलाई पनि रेष्टलेष्ट डेभलपमेन्टको सहकर्मी भन्न रुचाउछु ।

नमस्ते म निमाको मंमी आज छोरीले सिप सिकेर आफ्नो खुट्टामा उभिन सक्ने भएकि छिन मलाई साह्रै खुसि लागेको छ । सबैलाई आफ्नो छोरा छोरिले केहि गरुन भन्ने हुन्छ आज मेरि छोरीले गरेकि छिन म साह्रै खुसि छु । म रेष्टलेष्ट डेभलपमेन्ट र जहदा सामुदायिक पुस्तकालयलाई धेरै धेरै धन्यवाद दिन चाहान्छु जसको कारण मेरि छोरिले केहि गर्न सक्ने भएकि छिन । यस्ता कार्यक्रमहरु आगामि दिनमा पनि ल्याउनु पर्छ लाईब्रेरीले जसले गर्दा बिपन्न बर्गका छोरा छोरी हरु पनि आफ्नो जिवनमा केहि गर्न सक्ने भउन । लाईब्रेरी यस ठाउमा स्थापना भएपछि हाम्रो समाजका धेरै युवा तथा समाजका हरेक व्यक्तिले धेरै कुरा हरु सिक्ने र गर्ने गरेका छन । पुन: म रेष्टलेष्ट डेभलपमेन्ट र जहदा सामुदायिक पुस्तकालय तथा स्रोत केन्द्रलाई मुरि मुरि धन्यवाद दिन चाहान्छु ।